فنزويلا.. خطة أمريكا قبل الحرب الكبرى في الشرق الأوسط
بقلم: المستشار الإعلامي والسياسي خميس إسماعيل
زمان كنا بنضحك على كلام توفيق عكاشة… نحسبه هراء وتخاريف، وهو أول واحد قال إن أمريكا هتحط إيديها على فنزويلا قبل أي مواجهة كبرى في المنطقة العربية لتعويض أي نقص للبترول.
وقتها كنا بنسأل: “فنزويلا اللي في آخر الدنيا إيه دخلها بينا؟”… لكن اليوم، مع كل التفاصيل اللي بتحصل، نرجع نطبطب على راسنا ونقول: “يا ريته ما قلناش إن الراجل كان صح”.
ساعتها عكاشة قعد على كرسيه، يشرب الشاي، ويرمي الصدمة: “أمريكا هتحط إيدها على فنزويلا قبل ما المواجهة الكبيرة تولع في المنطقة العربية”. وصدق أو لا تصدق… النهاردة لما نشوف ترامب بيقبض على مادورو ويكلبشه من حجره نومه، بنكتشف إن كل كلمة قالها عكاشة من 7 سنين اتنفذت حرفيًا.
أنا وقلمي وقهوتي… في ركني الهادئ وسط زحمة الأخبار، بحاول أفهم ليه الناس مستمرة تنبش في الفيديوهات القديمة. الرسالة واضحة: أمريكا مش “عبيطة”، المنطقة العربية لو ولعت، إمدادات البترول ممكن تتقطع… فنزويلا كانت الخطة البديلة، الاحتياطي الكبير، الضمانة اللي تحمي الاقتصاد الأمريكي وتخليهم “منورين” مهما حصل.
اللي جاي مش حرب مباشرة… ده ترتيب للمعارك القادمة:
حروب بالوكالة واستنزاف
ضغط اقتصادي واستقرار مائل
رسائل سياسية مش بالرصاص
والسؤال اللي لازم نسأله دلوقتي: هل المواجهة الكبرى بدأت تظهر ملامحها؟ الواقع يقول: مش بالكامل… لكنها على الباب. واللي مش جاهز… ممكن يكتشف أن اللعبة اتغيرت وهو لسه بيحلم بالهدوء.
خميس إسماعيل
ا؟
